نیلسن: کرکٹ ورلڈکپ2015 کے آٹھویں میچ میں یواے ای اور زمبابوے کی ٹیمیں مدِ مقابل ہیں، کرکٹ ورلڈ کپ مقابلے میں یو اے ای نے زمبابوے کو جیت کے لیے دو سو چھیاسی رنز کا ہدف دے دیا۔
یو اے ای کے 286رنز کے تعاقب میں زمبابوے کی بیٹنگ جاری ہے، جس میں زمبابوے نے 28اوور میں 4وکٹوں کے نقصان پر 145رنز بنا لئے ہیں، زمبابوے کے ولیمز 6اور سولومون 1رنز پر وکٹ پر موجود ہیں، زمبابوے کےسکندر رضا 44 گیندوں میں 46 رنز بنا کر توقیر کے ہاتھوں آؤٹ ہوئے، مسکاڈزا 1، ریگس 35 اور ٹیلر 47رنز بنا کرناصر عزیز کی بال پر آؤٹ ہوگئے۔
نیوزی لینڈ کے شہر نیلسن میں کھیلے جارہے میچ میں یواے ای کے خلاف زمبابوے کی ٹیم نے ٹاس جیت کر پہلے فیلڈنگ کا فیصلہ کیا۔
متحدہ عرب امارات کی ٹیم نے مقررہ پچاس اوورز میں سات وکٹوں کے نقصان پر دو سو پچیاسی رنز بنائے، یو اے ای کا ون ڈے میں یہ سب سے بڑا اسکور ہے، اس سے قبل انھوں نے سنہ 2008 میں بنگلہ دیش کے خلاف 204 رن سکور کیے تھے۔
یو اے ای کی جانب سے شامان انور نے 59 گیندوں پر 67 رنز بنائے اور خرم خان نے 77 گیندوں پر 45 رنز سکور کیے، زمبابوے کی جانب سے چتارا نے تین، سولومون مائر اور سین ولیمس نے دو، دو وکٹیں حاصل کیں۔
دونوں ٹیمیں ون ڈے انٹرنیشنل میں پہلی مرتبہ مد مقابل ہیں ، یواے ای کا ایونٹ میں یہ پہلا میچ ہے جبکہ زمبابوے کی ٹیم کو پہلے میچ میں جنوبی افریقا سے باسٹھ رنز سے شکست کا سامنا کرنا پڑا تھا۔
