اسلام آباد : اقتصادی رابطہ کمیٹی نے کامیاب پاکستان پروگرام کی منظوری دے دی، پہلے مرحلےمیں پروگرام بلوچستان، کے پی، آزاد کشمیر اور جی بی میں شروع ہوگا۔
تفصیلات کے مطابق وزیر خزانہ شوکت ترین کی زیر صدارت اقتصادی رابطہ کمیٹی کا اجلاس ہو گا ، اجلاس میں 8 نکاتی ایجنڈا زیر غور کیا گیا۔
ای سی سی نے کامیاب پاکستان پروگرام کی منظوری دے دی ، ذرائع کا کہنا ہے کہ پہلےمرحلےمیں پروگرام بلوچستان ،کے پی، آزاد کشمیر اور جی بی میں شروع ہوگا جبکہ سندھ ،پنجاب کے پسماندہ اضلاع میں بھی پروگرام شروع کیا جائے گا۔
ای سی سی نے50 ہزار ٹن چینی کی درآمد کی بھی منظوری دے دی ، ،ذرائع ای سی سی نے بتایا کہ چینی کی درآمد 3مراحل میں کی جائے گی۔
اجلاس میں پاکستان اسٹیل ملازمین کیلئے تنخواہوں کی ادائیگی کیلئے 11 ارب کی منظوری دی گئی ، پاکستان اسٹیل ملازمین کو تنخواہیں 2021-22 کیلئےاداکی جائیں گی۔
اقتصادی رابطہ کمیٹی نے وزارت دفاع کی سمری پر افواج پاکستان کے لئے فنڈز اور وزارت داخلہ کی سمری پرفرنٹیئرکانسٹیبلری سینٹر کیلئے فنڈز کی منظوری دی۔
