کراچی: پیٹرولیم مصنوعات کی قیمتوں میں تاریخی کمی کےباوجود آٹامافیا کی من مانی جا ری ہے ،آٹےکی فی کلو قیمت میں ایک روپےکااضافہ کرتے ہوئے۔دس کلو آٹےکاتھیلا دس روپےمہنگاکرنےکا اعلان کردیا۔
تفصیلات کے مطابق عوام کی خوشی کوکرکرا کرنےکیلئےآٹاملز مالکان من مانی پر اُتر آئے۔پیٹرول اور ڈیزل کی قیمتوں میں ریکارڈکمی کے بعد اشیائے ضروریہ سستی ہونے کےمنتظرعوام پر آٹا مافیا نےبجلی گرادی۔
مارکیٹ ذرائع کےمطابق صرف دس فیصد درآمدی گندم پروفاقی حکومت کی طرف سےبیس فیصد ریگولیٹری ڈیوٹی عائدکرنےکو جوازبناکرآٹا ایک روپےفی کلومہنگاکردیاگیا ہے، جس سےدس کلو گرام آٹےکا تھیلا تین سو اسی روپےکا ہوگیاہے۔
آٹا ملزمالکان کا دعویٰ ہےکہ درآمد شدہ گندم ڈیوٹی کےنفاذ کےبعدچھ سو روپےمہنگی ہوکرچھتیس سو روپےفی سو کلوگرام ہوجائیگی۔واضح رہے کہ نوےفیصدمقامی گندم کی قیمت میں کوئی اضافہ نہیں کیاگیاہے۔
عوام حلقوں نےحکومت سندھ سےآٹےکی قیمتیں بڑھانے والی آٹا مافیاکے خلاف فوری ایکشن لینےکامطالبہ کیاہے۔
