گورنر پنجاب چوہدری محمد سرورنے اداکارہ میر اکو اسپتال کی تعمیر میں تعاون کا یقین دلاتے ہوئے کہا ہے انسانیت کی خدمت قابل تحسین ہے، اداکارہ میرا نے گورنر ہاوس لاہور میں چودھری محمد سرور سے ملاقات کی اور اپنے حالیہ دورہ امریکہ کے دوران اسپتال کی فنڈ ریزنگ کے حوالے سے بریفنگ دی۔
ان کا کہنا تھا کہ اسپتال کی تعمیر ان کا خواب ہے، حکومت پنجاب زمین کے حصول میں تعاون کرے، گورنر پنجاب نے اداکارہ میر ا کویقین دلایا کہ حکومت ان کے ساتھ بھرپور تعاون کرے گی۔
گورنر پنجاب کا کہنا تھا کہ ایمانداری سے انسانیت کی خدمت قابل تحسین ہے، بلوچستان سے رکن اسمبلی نصراللہ خاں زہری کی قیادت میں آٹھ رکنی وفد نے بھی ملاقات کی۔ جس میں ملک کی مجموعی سیاسی صورتحال اور دیگر امور پر تبادلہ خیال کیا گیا۔
- Advertisement -
