اسلام آباد : قائمہ کمیٹی برائے پارلیمانی امور نے اراکین کو ڈیبٹ کارڈز جاری کرنے کا فیصلہ کردیا۔میاں عبدالمنان کی صدارت قائمہ کمیٹی برائے پارلیمانی امور کے اجلاس میں اراکین پارلیمنٹ کو ایئرٹکٹ اور واچرز کی بجائے ڈیبٹ کارڈز جاری کرنےکا فیصلہ کیا گیا۔
اراکین پارلیمنٹ اس کارڈ کے ذریعے اندورن ملک پی آئی اے کے ذریعے سفرکرسکیں گے۔ اراکین پارلیمنٹ کا اسٹاف اور خاندان کے ارکان بھی یہ کارڈ استعمال کرسکیں گے۔
وزارت پارلیمانی امور نے اراکین پارلیمنٹ کو کارڈ ز جاری کرنے کی مخالفت کردی۔ چیئرمین قائمہ کمیٹی کا کہنا تھا کہ قانون ہم نے بنانا اور تبدیل کرنا ہے۔ بدنام ہم سب سے زیادہ ہیں جب کہ مراعات سب سے کم ہیں۔
