اسلام آباد کے اسپتالوں میں پولیس کا کریک ڈاؤن جاری ہے۔ پاکستان عوامی تحریک اور تحریک انصاف کے متعدد زخمی کارکنان کو لواحقین سسمیت اسپتالوں سے گرفتارکیا جارہا ہے۔
لاٹھی چارج، شیلنگ اور پنجاب پولیس کا تشدد۔ شاہراہ دستور پر وہ ہوا جس کا خدشہ ظاہر کیا جارہا تھا۔ پرامن مظاہرین پر پولیس نے دھاوا بول دیا جس کے نتیجے میں سیکڑوں کارکنان زخمی ہوئے۔
جن میں بچے،بزرگ اور جوان سب شامل ہیں۔ ترجمان پمزاسپتال نےبتایاجاں بحق شخص کو تشویشناک حالت میں اسپتال لایا گیا تھا۔ اسپتال میں بھی پولیس زخمیوں اور ان کے اہل خانہ کو نہیں بخش رہی بلکہ انہیں گرفتارکرنے وہاں بھی پہنچ گئی۔
