میڈرڈ:تیرسے نہ تلوار سے اسپین میں ہوئی ٹماٹروں کی انوکھی جنگ،ہزاروں منچلوں نے ٹماٹروں سے وار کرکے ایک دوسرے کو ٹماٹروں کی طرح سرخ کردیا۔
ہرسال کی طرح اس بار بھی بیونول میں سجا ’ٹومٹینا‘ کا منفرد میلہ جس میں ہزاروں منچلوں نے ٹماٹروں کی دلچسپ جنگ میں حصہ لیا،میلے کےکچھ جنگجو ٹرکوں پر سوار ہوکر آئے،توکچھ ٹماٹروں سے لیس ہوکر پیدل ہی میدان میں اتر آئے اور پھر ایک دوسرے پر ٹماٹروں سے وار پر وار کیے ۔
ٹماٹروں کی اس انوکھی جنگ میں نا صرف منچلے سرخ ٹماٹر کی طرح ہوئے لال بلکہ زمین نے بھی اوڑھ لی سرخ رنگ کی چادر،نا صرف اسپین بلکہ دنیا کے کونے کونے سے لوگوں نے اس منفرد میلے میں شرکت اور خوب لطف اندوز ہوئے۔
میلے کے شرکا کا کہناتھا کہ پہلے وہ مفت میں ٹماٹرکی جنگ میں شریک ہوکر ہلہ گلہ کیا کرتے تھے،اب انہوں دس یورو ٹومٹینا کی انتظامیہ کو ادا کرکے ٹماٹروں کی لڑائی سے لطف اندوز ہونا پڑتا ہے۔
