اوول ٹیسٹ کا ابتدائی روز اانگلش ٹیم کے نام رہا۔ بھارتی ٹیم پہلی اننگزمیں صرف ایک سو اڑتالیس رنز پر ڈھیر ہوگئی۔ انگلینڈ آج باسٹھ رنز بغیر کسی نقصان کے اننگز دوبارہ شروع کرے گرے گا۔اوول میں کھیلے جانے والے میچ کا ٹاس انگلینڈ نے جیت کر پہلے فیلڈنگ کا فیصلہ کیا جو درست ثابت ہوا۔
بھارتی ٹیم کھیل کے ابتدا سے ہی مشکلات کا شکار دکھائی دی۔ مہمان ٹیم کی وکٹیں گرنے کا سلسلہ وقفے وقفے سے جاری رہا۔ کپتان دھونی کے علاوہ کوئی بیٹسمین بھی وکٹ پر جم کر نہ کھیل سکا۔
بھارت کے سات کھلاڑی ڈبل فیگرز میں بھی داخل نہ ہوسکے۔ بھارتی ٹیم پہلی اننگز میں صرف ایک سو اڑتالیس رنز پر ڈھیر ہوگئی۔ جواب میں انگلینڈ نے پہلے روز کے اختتام تک بغیر کسی نقصان کے باسٹھ رنزبنالئے ہیں۔
