دبئی: جنوبی افریقہ کے خلاف سیریز میں چار ایک سے کامیابی نے آسٹریلیا کو آئی سی سی ون ڈے رینکنگ میں ایک مرتبہ پھر ٹاپ پوزیشن پر پہنچادیا ہے۔ کینگروز نے سیریز کا آغاز تیسری پوزیشن پر رہتے ہوئے کیا تھا لیکن کھلاڑیوں کی شاندار پرفارمنس نے بھارت کو دوسرے نمبر پر دھکیل دیا ہے۔
آسٹریلیا اور بھارت کے پوائنٹس برابر ہیں لیکن کینگروز سال کا اختتام نمبر ون پوزیشن پر کریں گے۔ ون ڈے رینکنگ میں جنوبی افریقہ کی ٹیم تیسرے اور سری لنکا چوتھے نمبر پر موجود ہے۔ انگلینڈ کا پانچواں اور پاکستان کا چھٹا نمبر ہے۔
