اسلام آباد: آرمی چیف کی وزیراعظم نوازشریف سے ملاقات ہوئی، ملاقات میں سیاسی اور سیکیورٹی صورتحال پر تبادلہ خیال کیا گیا۔
وزیراعظم ہاؤس میں آرمی چیف سے وزیراعظم نوازشریف کی ملاقات ایسے وقت ہورہی ہے، جب آزادی اور انقلاب مارچ میں عمران خان اور طاہرالقادری کی ڈیڈلائن ختم ہورہی ہے، ملاقات میں ملکی سلامتی، شمالی وزیرستان میں ملک دشمنوں کے خلاف جاری آپریشن ضرب عضب، اور ملک کی اندونی اور بیرون سیکیورٹی صورت حال پر تبادلہ خیال کیا گیا۔
ملاقات میں آزادی اور انقلاب مارچ سے پیدا ہونے والے سیکیورٹی صورتحال اور اہم امور پر تفصیلی تبادلہ کیا گیا، آرمی چیف نے حکومت کو مشورہ دیا کہ اگر صورتحال کو کنٹرول کرنے کیلئے ایک قدم پیچھے بھی کرنا پڑے تو کرے۔
واضح رہے کہ عمران خان کے ریڈ زون میں داخل ہونے کے اعلان کے بعد اسلام آباد میں ریڈ الرٹ جاری کردیا گیا ہے۔
گزشتہ روز ملک کی بدلتی سیاسی صورتحال میں وزیر اعلیٰ پنجاب شہباز شریف اور وزیرداخلہ چوہدری نثار نے آرمی چیف جنرل راحیل شریف سے ملاقات کی اور آرمی چیف کو بدلتی سیاسی صورتحال پر اعتماد میں لیا ۔
ذرائع کے مطابق حکومتی وفد اور جنرل راحیل شریف کے درمیان اسلام آباد کی صورتحال پر ایک گھنٹے سے زائد تک صلاح و مشورہ جاری رہے ۔ اس سے پہلے چوہدری نثار اور شہباز شریف نےگزشتہ بدھ کو بھی آرمی چیف سے ملاقات کی تھی۔
