کراچی (ویب ڈیسک) – آن لائن پیسہ کمانا پاکستان کے ہر اس شہری کی خواہش ہوتی ہے جو انٹرنیٹ تک رسائی رکھتا ہے لیکن یہ ایک ایسا راستہ ہے جہاں بہت کم لوگ ہی کامیاب ہو پاتے ہیں ورنہ زیادہ ترافراد اس معاملے میں دھوکے بازی کا ہی شکار ہوئے ہیں۔
مندرجہ ذیل سطور میں ہم آپ کو بتائیں گے وہ طریقے جن پرعمل پیرا ہوکر آپ با آسانی آن لائن پیسے کما سکتے ہیں وہ بھی بغیر دھوکہ کھائے۔
اول: انٹرنیٹ پر ایک ویب سائٹ یا بلاگ شروع کیجئے آپ کی ویب سائٹ یا بلاگ کسی بھی چیزکے بارے میں ہوسکتا ہے آیا وہ کوئی مشہور شخصیت ہو یا کوئی چیز یا کوئی ملک لیکن ایک بات یقینی بنائیے کہ جو بھی مواد آپ شیئر کر رہے ہیں وہ کہیں سے چرایا نا ہو بلکہ آپ نے خود لکھاہو۔
ویب سائٹ سے پیسے کمانے کے لئے آپ کو آن لائن ایڈورٹائزنگ ایجنسی سے رابطہ کرنا ہوگا جو کہ آپ کی ویب سائٹ پر اپنے اشتہار لگائے گے جیسے کہ گوگل ایڈ سینس وغیرہ۔
یاد رکھئے کہ ابتدائی تین مہینے آ پ کی توجہ پیسے کمانے پرنہیں بلکہ ویب سائٹ پراوسطاً ایک ہزار وزیٹرز لانے پر مبذول کیجئے۔
دوئم: اگر آپ ذاتی ویب سائٹ یا بلاگنگ شروع نہیں کرنا چاہتے تو آپ کے لئے دوسراراستہ فری لانس کام کرنا ہے یعنی آپ کسی اور ویب سائٹ کے لئے کام کرنے شروع کردیں جو کہ آپ کو آپ کے کام کی قیمت ادا کریں لیکن خیال رکھئیے گااگر کوئی ویب سائٹ آپ سے کام شروع کرنے کے لئے کسی بھی مد میں کوئی رقم طلب کر رہی ہے تو ہوشیار ہوجائیں یہ دھوکہ ہے۔
سوئم:اگر آپ بذات ِخود کسی قسم کی ویڈیوز بناتے ہیں تو آپ ویڈیو شیئر کرنے کی ویب سائٹس سے بھی پیسے کما سکتے ہیں۔
