تہران : ایران نے جرمن سیاح کو اسرائیل کیلئے جاسوسی کرتے ہوئے گرفتار کرلیا، مارک کافمین سائیکل پرخفیہ فوجی مقامات کی وڈیوبنا رہا تھا۔
تفصیلات کے مطابق جرمن سیاح کو ایران میں اسرائیل کیلئے جاسوسی کرتے ہوئے گرفتار کرلیا ، حکام کا کہنا ہے جرمن سیاح مارک کافمین خفیہ فوجی مقامات کی وڈیوز بنا کر ہینڈلرز کو بھیجتا رہا۔
مہرنیوز نے گرفتاری کی وڈیو بھی جاری کردی اور بتایا کہ ایران نے ایک جرمن جاسوس پکڑا ہے جو خود کو سیاح ظاہر کررہا تھا۔
وڈیو میں جرمن سیاح مارک کافمین کو سائیکل چلاتے ہوئے خفیہ فوجی مقامات پر جاتے اور وہاں کی کی وڈیو بناتے ہوئے دکھایا گیا ہے۔
قم کی انٹیلی جنس پولیس سربراہ کا کہنا ہے بارہ جون سے اب تک اسرائیل سے تعلق کے الزام میں بائیس افراد کو گرفتار کیا گیا ہے۔
مزید پڑھیں : ایران میں اسرائیل کیلئے جاسوسی کے الزام میں 5 افراد گرفتار
فارس نیوز کے مطابق انہیں اسرائیل کیلئے جاسوسی کےالزام میں گرفتارکیا گیا، گرفتارشدگان پرعوامی رائےکوپریشان کرنا اور اسرائیل کی حمایت کرنا بھی شامل ہے۔
یاد رہے دو غیر ملکی شہریوں کو تہران کے مغرب میں کرج میں موساد کے ایجنٹوں کے طور پر کام کرنے کے الزام میں حراست میں لیا گیا تھا، حکام نے بتایا تھا کہ دونوں نے جرمنی میں ایک ہینڈلر کے ساتھ سرکاری میڈیا کے دفاتر اور ایک سرکاری اہلکار کی رہائش گاہ کی جگہیں شیئر کی تھیں۔
