تہران: ایران نےغیر معینہ مدت کے لیے سعودی عرب جانے والی تمام عمرہ پروازیں منسوخ کردیں۔
ایران اورسعودی عرب کے درمیان سفارتی تعلقات مزید کشیدہ ہوگئے ہیں، برطانوی نشریاتی ادارے کے مطابق جدہ میں دو ایرانی لڑکوں کے ساتھ مبینہ جنسی زیادتی کا واقعہ پیش آیا۔
دو ایرانی نوجوانوں نے الزام لگایا تھا کہ مارچ کے مہینے میں عمرہ سے واپسی پر جدہ ایئر پورٹ پر سکیورٹی حکام نے ان کے ساتھ جنسی زیادتی کی تھی۔
واقعےکے بعد تہران میں سعودی سفارت خانے کے باہر احتجاجی مظاہرہ کیا گیا، جس کے بعد ایران نےعمرہ کے لیے سعودی عرب جانے والی تمام پروازیں منسوخ کردیں ۔
ایران نے مطالبہ کیا ہے کہ واقعے میں ملوث افراد کو سزا دی جائے۔
Comments
- Advertisement -
