کراچی : شاہ لطیف ٹاؤن پولیس نے کارروائی کرکے پولیس اہلکار کے قتل میں ملوث ایک ملزم کو گرفتار کرلیا، رینجرز نے شاہ فیصل سے ایم کیو ایم کے یونٹ آفس پر چھاپہ مارکرمتعدد کارکنوں کو حراست میں لے لیا۔
پولیس ذرائع سے ملنے والی اطلاعات کے مطابق شاہ لطیف پولیس نے کارروائی کرتے ہوئے ملزم شاہ زیب کو گرفتار کرکے اسلحہ برآمد کرلیا۔
پولیس کے مطابق گرفتار ملزم نے سال 2010 میں سکھن تھانے کی حدود میں اور قائد آباد کے علاقے میں تین پولیس اہلکاروں کو شہید اور چار کو زخمی کیا تھا۔
ملزم گرفتاری سے بچنے کیلئے ملیشیا فرار ہوگیا تھا، اور واپسی پر اس کی گرفتاری عمل میں آئی ۔ دوسری جانب رینجرز نے شاہ فیصل کالونی میں ایم کیو ایم کے یونٹ 106 پر چھاپہ مارکر وہاں موجود تمام افراد کو حراست میں لے لیا۔
