اسلام آباد : الیکشن ٹربیونل نے قومی اسمبلی کے حلقہ این اے ایک سو اٹھائیس اور پنجاب اسمبلی کے حلقہ پی پی ایک سو ساٹھ کے ووٹوں کی نادرا سے تصدیق کرانے کے لئے دائر درخواست کی سماعت اکتیس مارچ تک ملتوی کرتے ہوئے فریقین کے وکلاءکو دلائل کے لئے طلب کر لیا۔
الیکشن ٹربیونل کے روبرو تحریک انصاف کے کرامت علی کھوکھر نے مسلم لیگ نون کے رکن قومی اسمبلی افضل کھوکھر جبکہ پاکستان تحریک انصاف کے ظہیر عباس کھوکھر نے رکن پنجاب اسمبلی سیف الملوک کھوکھر کی اہلیت کو الیکشن ٹربیونل کے روبرو چیلنج کر رکھا ہے۔
دونوں درخواست گزاروں کے وکلاءنے ٹربیونل سے استدعا کی ہے کہ دونوں حلقوں کے ووٹوں اور ریکارڈ کی نادرا سے تصدیق کرانے کا حکم دیا جائے۔
الیکشن ٹربیونل کی ہدایت پر متعلقہ حلقوں کے ریٹرننگ افسروں نے فارم چودہ اور پندرہ کومعائنہ کے لئے پیش کیا تو ٹربیونل نے فارم چودہ اور پندرہ کے معائنہ کو مؤخر کرتے ہوئے نادرا سے تصدیق کرانے کے لئے دائر درخواستوں پرفریقین کے وکلاءکو بحث سمیٹنے کی ہدایت کرتے ہوئے مزید سماعت اکتیس مارچ تک ملتوی کردی۔
