کراچی : مسلم لیگ ن نے حلقہ این اےدو سو چھیالیس کے ضمنی الیکشن میں جماعت اسلامی کی حمایت کا باقاعدہ اعلان کردیا۔
کراچی کے حلقہ این اے دو سوچھیالیس میں کانٹے کے مقابلےمیں تین دن رہ گئے ہیں۔ سیاسی جماعتوں کی انتخابی مہم اپنے عروج پر ہے۔
ایسے میں مسلم لیگ ن نے بھی جماعت اسلامی کی حمایت کا اعلان کردیا ہے، کراچی میں مسلم لیگ ہاؤس میں جماعت اسلامی اور مسلم لیگ ن کی صوبائی قیادت نے مشترکہ پریس کانفرنس کی۔
- Advertisement -
مسلم لیگ ن سندھ کے صدر نے حمایت کا باقاعدہ اعلان کیا ۔مسلم لیگ ن صدر سندھ اسماعیل راہو کا کہنا تھا کہ نہ صرف جماعت اسلامی کی حمایت کی ہے بلکہ عملی طور پر انتخابی مہم بھی چلائیں گے۔
رہنما جماعت اسلامی حافظ نعیم الرحمان کا کہنا تھا کہ مسلم لیگ ن نے اپنے تمام ووٹرز کو ہماری حمایت کی ہدایت کی ہے۔
