کراچی : این اے دو سو چھیالس پر کاغذات کی جانچ پڑتال کا آج آخری دن ہے ۔ضمنی انتخابات تئیس اپریل کو ہو نگے ۔پی ٹی آئی کے رہنماء علی زیدی نے این اے دوسوچھیالیس میں ضمنی انتخاب ملتوی کرنے کا مطالبہ کردیا۔
تفصیلات کے مطابق ایم کیو ایم کے سابق رہنما سردار نبیل گبول کےقومی اسمبلی کی نشست این اے دو سو چھیالس سے مستعفی ہونے کے بعد ضمنی انتخاب تئیس اپریل کو ہوگا۔
نشست پر کاغذات کی جانچ پڑتال کا آج آخری دن ہے۔ریٹرننگ افسر ندیم حیدر کے مطابق کاغذات نامزدگی کے دوسرے روز آٹھ امیدواروں کے کاغذات نامزدگی منظور کئے گئے۔
جماعت اسلامی کے راشد نسیم، معنم ظفر اور حافظ نعیم الرحمان ،پاسبان کے شکیل شیخ سمیت آزاد امیدواروں محفوظ یار خان ، پرویز علی اور عتیق قریشی کے کاغذات نامزدگی منظور کرلئے گئے۔
پاکستان پیپلزپارٹی کے ظفر صدیقی ایڈوکیٹ اور حسن پرویز ماما بھی نشست پر ضمنی انتخابات لڑیں گے۔پی ٹی آئی کےکراچی کےصدرعلی زیدی نے این اے دوسوچھیالیس میں انتخاب ملتوی کرنے کا مطالبہ کیا ہے۔
