دبئی: ایشین ڈیولپمنٹ بینک اپنے ممبرممالک میں انفراسٹرکچر، فنانس،تکنینکی معاونت اور مالی یقین دہانی کے لئے اسلامی سرمایہ کاری کو فروغ دینے کے لئے کوشاں ہے۔
منیلاسے تعلق رکھنے والے ترقیاتی فنڈ فراہم کرنے والےایک ادارے کے مطابق پاکستان اور بنگلہ دیش جیسے ممالک میں اسلامی سرمایہ کاری کی انتہائی اہمیت ہے، اور اس کی معاشی نظام میں شمولیت اور استحکام قابلِ تعریف ہے۔
گزشتہ چند سالوں میں اسلامی سرمایہ کاری کے پراڈکٹس یعنی صکوک اور اسلامی بانڈ نے کئی ملکوں میں فنڈنگ ٹول کی حیثیت اختیارکرلی ہے اور اب ایشین ڈیولپمنٹ بینک اسے اپنے 67 ممبر ممالک مین فروغ دینا چاہتا ہے۔
اے ڈی بی کے نائب جنرل کاؤنسل اشرف محمد کا کہنا ہے کہ ہانگ کانگ اوریو کے سے صکوک جاری ہونے کے باعث ممبرممالک اسے کسی اورنظرسے دیکھتے ہیں۔
اے ڈی بی اسے خود جاری کرنے کی خواہاں ہے لیکن ان کی تمام ترتوجہ اس امرپر ہے کہ صکوک کو سپورٹ کرنے والے ممبر ممالک، پبلک ڈیبٹ فنانسنگ کے لئے اسے استعمال کریں۔
صکوک عربی زبان کا لفظ ہے جس کے معنی اسلامی بانڈ کے ہیں جن کو سود کے متبادل کے طور پرپیش کیا جاتا ہے۔
