سندھ میں بلدیاتی انتخابات کیلئےکاغذات نامزدگی جمع کرانے کا آج آخری دن ہے۔ کراچی میں اب تک ساڑھے تین ہزا ر سے زائدامیدوار کاغذات نامزدگی جمع کرا چکے ہیں۔
صوبہ سندھ میں اٹھارہ جنوری سے ہونے والے بلدیاتی انتخابات کیلئے کاغذات نامزدگی جمع کرانے کا سلسلہ جاری ہے ،اب تک کراچی کے چھ اضلاع میں ساڑھے تین ہزار کے قریب کاغذات نامزدگی جمع کرائے جاچکے ہیں۔
امیدواروں کا کہنا ہے کہ حکومت بلدیاتی انتخابات سے فرار چاہتی ہے ۔ الیکشن کمیشن کے مطابق اب تک سب سے ذیادہ کاغذات نامزدگی کرا چی کے ضلع وسطی میں جمع کرائی گئی ہے جن کی تعداد 1350 ہے ، ضلع ملیر میں میں 450 ، ضلع کورنگی میں 200 ، جنوبی میں 250، کاغذات نامزدگی اب تک جمع کرائے جاچکے ہیں۔
29 دسمبر تک کاغذات نامزدگی جاری اور وصول کیے جائیں گے ۔ الیکشن کمیشن کے مطابق رٹرننگ افسر اور ڈسٹرکٹ رٹرننگ افسران کی ٹریننگ کا مرحلہ بھی شروع ہوگیا ہے جو دودن تک جاری رہے گا۔
