کوئٹہ: بلوچستان کے تمام ریلوے اسٹیشنز کی حفاظت کیلئے کمانڈو تعینات کر دیے گئے۔
بلوچستان میں دہشتگردی کے خطرے کے پیش نظر کوئٹہ سمیت صوبے کے تمام ریلوے اسٹیشنز پر سیکورٹی کیلئے کمانڈوز کو تعینات کردیا گیا ہے۔
صوبائی حکومت نے یہ فیصلہ ریلوے لائنوں پر بڑھتے ہوئے دھماکوں اور دہشتگردی کے پیش نظر کیا ہے۔
- Advertisement -
ڈویژنل سپرنٹنڈنٹ ریلوے کوئٹہ فیض محمد بگٹی کا کہنا ہے کہ کمانڈوز کی تعیناتی کے علاوہ مسافروں کی جان ومال کے تحفظ کے لئے بعض غیر ظاہر سیکورٹی انتظامات بھی کئے جاچکے ہیں۔
محکمہ ریلوے کی جانب سے صوبے میں سیکورٹی کے غیر معمولی انتظامات کا فیصلہ کوئٹہ بولان سبی ڈیرہ مراد جمالی اور دیگر علاقوں میں ریلوے ٹریک کو دھماکوں سے اڑانے اور مسافروں کو نشانہ بنائے جانے کے بعدکیا گیا ہے۔
