کیپ ٹاؤن :بلائنڈ کرکٹ ورلڈ کپ کے فائنل میں بھارت نے سنسنی خیز مقابلے کے بعد پاکستان کو پانچ وکٹوں سے ہرا کر پہلی بار ٹائٹل اپنے نام کرلیا۔
کیپ ٹاؤن میں جاری بلاننڈ کرکٹ ورلڈ کے فائنل میں بھارت نے ٹاس جیت کر فیلڈنگ کا فیصلہ کیا، قومی بلائنڈ ٹیم نے مقررہ چالیس اوورز میں سات وکٹوں پر تین سو نواسی رنز بنائے، محمد جمیل ایک سو دو رنز کے ٹاپ اسکورر رہے۔
محمد اکرم پچہتر اور نثار علی چھپن رنز کے ساتھ نمایاں رہے، جواب میں بھارتی ٹیم کو شروعات میں مشکلات کا سامنا کرنا پڑا لیکن چھٹی وکٹ کی شراکت نے پاکستان کے منہ سے یقینی فتح چھین لی، بھارت نے پاکستان کو تین سو نوے رنز کا ہدف سنسنی خیز مقابلے کے بعد تین گیندیں قبل حاصل کرتے ہوئے پہلی مرتبہ ٹائٹل اپنے نام کیا۔
