بھکر/لاہور: بھکر میں پاکستان عوامی تحریک کےجلسےکی تیاریاں زور و شور سے جاری ہیں۔ عوامی تحریک کے قائد ڈاکٹر طاہر القادری اور دیگر مرکزی رہنما جلسے سے خطاب کریں گے۔ عوامی تحریک کے قائد جلسے میں شرکت کیلئے لاہور سے روازنہ ہوگئے۔
بھکر کی فضا بھی گو نواز گو اور انقلاب کی صداؤں سے گونج رہی ہے۔ جہاں آج انقلاب کے دیوانے اپنے قائد کی پکار پر اپنی جدوجہد مزید تیز تر کرنے کا عزم کرینگے۔ عوامی تحریک کے کارکنوں کا جوش و خروش دیدنی ہے۔ کارکن کاروں، موٹر سائیکلوں اور دیگر سواریوں میں پارٹی پرچم تھامے شہر بھر میں گشت کر رہے ہیں جبکہ پورے شہر کو پینافلیکس اور جھنڈوں سے سجا دیا گیا ہے۔
جلسے کی سیکیورٹی کے لئے سات سو پولیس اہل کاروں کو تعینات کیا جائے گا جبکہ جلسہ گاہ کے داخلی راستوں پر واک تھرو گیٹ نصب ہونگے۔ ڈی پی او بھکر کے مطابق جلسہ گاہ کی تلاشی کیلئے بم ڈسپوزل اسکواڈکا عملے کیجانب سے سرچنگ کا عمل جاری ہے۔ جلسہ گاہ اور اسٹیج کی سیکیورٹی کی ذمہ داری عوامی تحریک کے کارکن سنبھالیں گے۔
