سکھر: قومی اسمبلی میں قائد حزب اختلاف سید خورشید شاہ نے کہا ہےکہ تحریک انصاف نے مذاکرات میں ثالثی کی ہماری پیشکش پر آمادگی ظاہر کی ہے۔
تفصیلات کے مطابق سکھر میں میڈیا سے گفتگو کرتے ہوئے ان کا کہنا تھا کہ وہ حکومت اور پی ٹی آئی کے درمیان بہتر تعلقات کے بھی خواہاں ہیں۔
سید خورشید شاہ نے عمران خان کو مشورہ دیا کہ وہ پارلیمانی سیاست میں فعال کرداراداکریں۔ ان کا کہنا تھا ایم کیو ایم کا سندھ حکومت میں آنا جانا چلتا رہتا ہے اور پیپلزپارٹی سے اس کا اتحاد سینیٹ انتخابات کی وجہ سےہوا ہے۔
سید خورشید شاہ کا کہنا تھاکہ دہشتگردوں کیخلاف بلاتفریق کارروائی پرپوری قوم متفق ہے۔
