کراچی: پاکستان تحریک انصاف نے انیس اپریل کو کراچی میں سیاسی قوت دکھانے کا فیصلہ کرلیا ۔
تحریک انصاف نے کراچی کے حلقہ دو سو چھیالیس میں ضمنی الیکشن سے پہلے سونامی کی سیاسی قوت دکھانے کا فیصلہ کرلیا، کپتان کے متوالے شہرقائد میں میلہ سجائیں گے ۔
کراچی میں تحریک انصاف یوتھ ونگ کے تحت تقریب سے خطاب کرتے ہوئے پی ٹی آئی کے رہنما عارف علوی نے کہا کہ این اے دو سو چھیالیس کے الیکشن کیلئے لوگوں کو باہر نکلنا پڑے گا،کراچی والوں کو پی ٹی آئی کا ساتھ دینا ہوگا۔
تقریب سے خطاب کرتے ہوئے تحریک انصاف کےرہنما اسد عمر نے کہا کہ لاہور پاکستان کا دل ہے لیکن کراچی پاکستان کا دماغ ہے ۔ عارف علوی نے اپنے خطاب میں کہا کہ عمران خان کا الطاف حسین پر برطانیہ میں مقدمہ درج کرانا جرات مندانہ فیصلہ ہے۔
Comments
- Advertisement -
