تربت: بلوچستان ایک بار پھر لہو لہو ہوگیا، تربت میں سہراب ڈیم پر کام کرنے والے مزدوروں کو فائرنگ کرکے موت کے گھاٹ اتار دیا گیا، وزیرِاعظم نواز شریف نے واقعے کی رپورٹ طلب کرلی ہے اور غفلت برتنے پر آٹھ لیویز اہلکاروں کو گرفتار کرلیا گیا ہے۔
تربت کے علاقے گوگدان میں سہراب ڈیم کے مزدوروں کے کیمپ پر فائرنگ کرکے بیس محنت کشوں کی جان لے لی گئی، ترجمان بلوچستان حکومت جان محمد بلیدی نے اے آروائی نیوز سے بات کرتے ہوئے الزام لگایا کہ سیکیورٹی کی کمزوری کی وجہ سے حملہ ہوا ۔
ترجمان بلوچستان حکومت جان محمد بلیدی نے بتایا کہ واقعے کے بعد علاقے کی سیکیورٹی سخت کردی گئی ہے، جائے وقوعہ سے ابتدائی شواہد حاصل کرلیئے گئے ہیں۔
یہ واقعہ گزشتہ رات اس وقت ہو اجب سہراب ڈیم کے مزدوروں کے کیمپ پر بارہ دہشت گردوں نے گولیاں برسا دی تھیں۔ فائرنگ سے ہلاک مزدوروں میں سے سولہ کا تعلق صادق آباد اورچارکا جیکب آباد سے ہے، لاشوں کی شناخت ہوگئی ہے۔
ڈپٹی کمشنر وزیرِاعظم نوازشریف نے دہشت گردی کی اس سنگین واردات کی مذمت کرتے ہوئے رپورٹ طلب کرلی اور لواحقین سےاظہار افسوس کرتے ہوئے مجروں کو گرفتار کرنے کی ہدایت کردی۔
وزیر اعلیٰ بلوچستان نے جاں بحق مزدوروں کے لواحقین کیلئے دس لاکھ روپے اور زخمیوں کو پچاس ہزار روپےدینے کا اعلان کیا ہے۔
