اسلام آباد : سینئرسیاستدان جاوید ہاشمی کے بیانات نے تحریک انصاف میں بے چینی پیدا کر دی ہے،تحریک انصاف کے رہنماؤں نے جاوید ہاشمی کے بیانات کو مسترد کرتے ہوئے انہیں اپنی ہی جماعت کا دھاندلی زدہ سابقہ صدر قرار دے دیا۔
جاوید ہاشمی کے پی ٹی آئی مخالف بیانات پر تشویش کا اظہار کرتے ہوئے شیری مزاری نے کہا کہ جاوید ہاشمی جھوٹ بول رہے ہیں،وہ پارٹی کے ہر فیصلے میں شریک رہے۔
جاوید ہاشمی اصولوں کی سیاست کی بجائے غلط بیانی کر رہے ہیں۔شیری مزاری نے مزید کہا کہ وہ پارٹی میں عہدوں کے لئے آئی نہ کبھی چیئر مین سے عہدے کی فرمائش کی۔
پی ٹی آئی کے رہنما ء عمر چیمہ نے اپنے ایک بیان میں کہا کہ عمران خان سے پہلے ہی اختلاف تھا کہ جاوید ہاشمی جیسے دو نمبر شخص کو پارٹی کا صدر کیوں بنایا۔اسٹیبلشمنٹ کی کوکھ سے باغی نہیں داغی پیدا ہوتے ہیں۔
عمر چیمہ نے الزام عائد کیا کہ جاوید ہاشمی ان کی پارٹی کے دھاندلی زدہ صدر تھے جس کا ثبوت جسٹس (ر) وجیہ الدین کی رپورٹ ہے۔انہوں نے مزید کہا کہ جاوید ہاشمی نے پیسے لے کر پارٹی ٹکٹ بھی فروخت کئے۔
