کراچی : ایم کیوایم کے رہنما کنور نوید جمیل کا کہنا ہے کہ جماعت اسلامی اور تحریک انصاف کراچی کے عوام کا دکھ اور مسئلہ نہیں سمجھ سکتے۔
یہ بات متحدہ قومی موومنٹ کے قومی اسمبلی کے حلقہ این اے دوسو چھیالیس کےنامزد امیدوار کنور نوید جمیل نے لیاقت آباد کارنر میٹنگ سے خطاب کرتے ہوئے کہی ۔
انہوں نے اس موقع پر سابق ایم این اے نبیل گبول کو تنقید کا نشانہ بناتے ہوئے کہا کہ نبیل گبول نے حلقے کی عوام سے بہت زیادتیاں کی ہیں جن کا ازالہ اب ہمیں کرنا ہے۔
- Advertisement -
ان کا کہنا تھا کہ ایم کیوایم کے نمائندوں کا جینا مرنا اسی حلقے کی عوام کے ساتھ اور ان گلیوں میں ہے۔
کنور نوید جمیل نے کہا کہ جماعت اسلامی اور پی ٹی آئی کراچی کے عوام کا دکھ نہیں سمجھ سکتیں ۔انہوں نے کہا کہ تئیس اپریل کو حلقے کے باشعورعوام ضمیر کے مطابق ووٹ کاسٹ کریں۔
