اسلام آباد: تحریکِ انصاف کے سربراہ عمران خان کی اہلیہ ریحام خان نے کہا ہے کہ جوشخص پاکستانی ہی نہیں اس کی دعوت کی مجھےکیا ضرورت ہے، عوام کی دعوت پر کراچی آ رہی ہوں۔
ایم کیو ایم کے قائد الطاف حسین کی نائن زیرو آنے کی دعوت پر عمران خان کی اہلیہ ریحام خان نے ردِعمل کا اظہار کرتے ہوئے کہا کہ کسی کی دعوت کی ضرورت نہیں، این اے دوسوچھیالیس کےعوام میرے بہن بھائی ہیں اور مجھے کراچی جانے میں کوئی خوف نہیں۔
ان کا کہنا تھا کہ خان صاحب جہاں جائیں گے ان کے ساتھ جاؤں گی۔
ریحام خان کا کہنا تھا کہ عوام سے اتنی محبت ملی انکی دعوت کیسے ٹھکرا سکتی ہوں۔
یاد رہے رات گئے الطاف حسین نے کہا ہے کہ وہ عمران خان کو پورا مہاجر سمجھتے ہیں، وہ بھابھی کو بھی جناح گرائونڈ لے کر آئیں، الطاف حسین نے رابطہ کمیٹی کو ہدایت کی کہ عمران خان پرپھولوں کی پتیاں نچھاورکرے۔
الطاف حسین نے عمران خان کو دعوت دی کہ ریحام خان کے ساتھ نائن زیرو آئیں، زیورات اورتحائف دیں گے۔
