جھل مگسی : الیکشن ٹریبونل بلوچستان نے قومی اسمبلی کے حلقہ این اے دو سڑسٹھ پر ہونے والے انتخابات کو کالعدم قرار دیتے ہوئے دوبارہ انتخابات کا حکم دیا ہے۔
این اے دو سڑسٹھ کچھی کم جھل مگسی پر میر خالد خان مگسی کامیاب قرار پائے تھے، جنہوں نے کامیابی کے بعد مسلم لیگ نواز میں شمولیت اختیار کی تھی ،خالد خان مگسی کے انتخاب کے خلاف حلقے کے آزاد میدوار میر عبدالرحیم رند نے ٹریبونل میں انتخابی عذرداری دائر کروائی تھی۔
جس کی سماعت کرتے ہوئے الیکشن ٹریبونل نے قبل ازیں حلقے میں ووٹروں کے انگوٹھوں کی تصدیق کروانے کا حکم دیا تھا۔
میر عبدالرحیم رند کے وکیل شمس رند ایڈوکیٹ کے مطابق انگوٹھوں کی تصدیق کا عمل مکمل ہونے پر محمد نعیم خان کاکڑ پر مشتمل الیکشن ٹریبونل نے این اے دو سٹرسٹھ پر ہونے والے انتخابات کو کالعدم قراردیتے ہوئے حلقے میں دوبارہ انتخابات کروانے کا حکم دیدیا ہے۔
