لاہور: گورنر پنجاب چوہدری محمد سرور کہتے ہیں کہ تیس نومبر کے جلسے کیلئے حکومت اور تحریک انصاف لچک کامظاہرہ کریں اور ضد کسی کے مفاد میں نہیں ہوگی۔
یونیورسٹی آف ویٹرینری اینڈ اینیمل سائنسز لاہور کے چھٹے کانووکیشن کے موقع پر میڈیا سے گفتگو کرتے ہوئے چوہدری محمد سرور نے کہا کہ سیاست میں مذاکرات کا راستہ ہی اختیار کیا جانا چاہیے۔
انھوں نے کہا کہ امید ہے کہ تیس نومبر بھی پرامن طور پر گزرجائے گا۔ گورنر پنجاب کا کہنا تھا کہ جلسے کے لیے جگہ کا تعین ہوگیا ہے اور امید ہے تحریک انصاف کا احتجاج پر امن ہوگا۔
- Advertisement -
چوہدری سرور کا کہنا تھا کہ تیس نومبر کے جلسے کے بعد فریقین کو سیاسی بحران کے حل کے لئے مذاکرات کرنا چاہیئے۔ انہوں نے تعلیمی میدان میں نمایاں کارکردگی کا مظاہرہ کرنے والوں میں میڈل اور امتیازی شیلڈ بھی تقسیم کیں۔
