مکہ المکرمہ: مسجد الحرام میں ایک تیس سالہ خاتون نے خودکشی کرلی۔
خاتون نے حرم میں مطاف کی بلند منزل سے کود کر خود کشی کی، بلندی سے خاتون سر کے بل حرم کے فرش پر گریں اور موقع پر انتقال کر گئیں۔
واقعے کے بعد وہاں موجود اہلکاروں نے خاتون کی لاش کو مکہ کے شاہ فیصل ہسپتال منتقل کیا تاکہ پوسٹ مارٹم کے ذریعے موت کے سبب معلوم کیا جا سکے۔
عرب میڈیا کے مطابق عمرہ کی غرض سے سعودی عرب آنے والے ایک خاتون نے مطاف کی اونچی منزل کی گرل کے پاس کرسی رکھ کر اس پر چڑھ گئیں۔ حرم میں تعینات پولیس اہلکار انہیں دیکھ کر ان کی طرف لپکے تاہم وہ اس کوشش میں ناکام رہے اور خاتون بلندی سے نیچے کود گئیں۔
عرب میڈیا نے یہ انکشاف بھی کیا ہے کہ خاتون کے پاس سے پولیس کو درج کرائی گئی ایک شکایت کی کاپی ملی ہے، جس میں انہوں نے خودکشی سے تین دن پہلے شوہر کے خود پر تشدد سے متعلق رپورٹ درج کرائی تھی، پولیس نے شکایت کو مزید تحقیق کے لئے پراسیکیوٹر کو ارسال کر دیا تھا۔
تاہم مکہ پولیس نے ابھی تک حادثے سے متعلق کوئی بیان جاری نہیں کیا۔
ماہرین کا کہنا ہے کہ حادثے کی کئی وجوہات ہوسکتی ہیں کہ خاتون نفسیاتی مریض ہو سکتی ہیں دوسرا سبب یہ گھریلو جھگڑا بھی ہوسکتا ہے۔
