رائل فضائیہ کے چیف ائیر چیف مارشل سرا ینڈر یوپلفورڈ نے آج ائیر ہیڈکوارٹر ز اسلام آباد کا دورہ کیا، پاک فضائیہ کے سربراہ ائیر چیف مارشل طاہر رفیق بٹ نے معزز مہمان کا استقبال کیا ۔ان کی آمد پر پاک فضائیہ کے چاق وچوبند د ستے نے انہیں گارڈ آف آنر بھی پیش کیا۔
معزز مہمان نے پاک فضائیہ کے شہداء کو خراج عقیدت پیش کرنے کیلئے ائیر ہیڈ کوارٹر ز میں یاد گا ر شہداء پر پھولوں کی چادر چڑ ھائی ۔بعد ازاں پر نسپل ا سٹاف آفیسر ز کا معزز مہمان سے تعارف کرایا گیا ۔
انہوں نے ائیر چیف سے ان کے آفس میں ملاقات کی اور پیشہ ورانہ امور پر تبادلہ خیال کیا ۔ بعدازاں رائل فضائیہ کے سر براہ نے پی اے ایف اکیڈ می رسالپور کا دورہ کیا ۔ جہاں انہیں اکیڈمی کے تنظیمی اور تر بیتی ڈھانچے کے بارے بریفنگ دی گئی ۔
معزز مہمان نے کالج آف ایر وناٹیکل انجینئر نگ ، ائیر ڈیفنس ٹر یننگ سکول ، سکول آف ائیر ٹریفک سروسز ،سیمولیٹر سکواڈرن اور فلائنگ انسٹرکٹرز ا سکول کا دورہ بھی کیا۔
