ٹورنٹو :فرانس کے رچرڈ گیسکوٹ نے راجرز کپ ٹینس ٹورنامنٹ کے دوسرے راؤنڈ کے لئے کوالیفائی کرلیا۔ٹورنٹو میں جاری ٹورنامنٹ کے ابتدائی راؤنڈ کے میچ میں فرانس کے رچرڈ گیسکوٹ کا مقابلہ کینیڈا کے ویسک پوسپسل سے تھا۔
دونوں ٹیموں کے درمیان کھیل کا آغاز تو کانٹے دار ہوا لیکن پہلے سیٹ میں فرانسیسی کھلاڑی نے سات پانچ سے کامیابی حاصل کرلی۔ دوسرے سیٹ میں میزبان کھلاڑی نے کچھ مزاحمت کی اور مقابلہ برابر کرنے کی بھرپور کوشش کی لیکن وہ اس میں ناکام رہے۔ گیسکوٹ نے دوسرا سیٹ بھی سات پانچ سے اپنے نام کرتے ہوئے دوسرے راؤنڈ کے لئے کوالیفائی کرلیا۔
