اسلام آباد: محکمہ موسمیات کا کہنا ہے کہ رواں ہفتے ملک کے بیشتر حصوں میں موسم گرم اور خشک رہنے کا امکان ہے۔
ملک کے میدانی علاقے شدید گرمی کی لپیٹ میں ہیں، گرمی کی یہ لہر آئندہ چند روز تک برقرار رہے گی تاہم مالاکنڈ، ہزارہ ڈویژن، گلگت بلتستان اور اس سے ملحقہ پہاڑی علاقوں میں مطلع جزوی طور پرابرآلود رہنے اور گرج چمک کیساتھ بارش کا امکان ہے۔
گزشتہ روز سب سے زیادہ درجہ حرارت لسبیلہ اور چھور میں بیالیس ڈگری سینٹی گریڈ ریکارڈ کیا گیا جبکہ کراچی اکتالیس ،اسلام آباد اکتیس ،پشاور بتیس،لاہورتینتیس اور کوئٹہ میں پچیس ڈگری سینٹی گریڈ رہا۔
