ماسکو: روس نے ایران کو ایس 300 فضائی دفاعی میزائل سسٹم فراہم کرنے کی تصدیق کردی، منتقلی کی تاریخ کا اعلان جلد کیا جائے گا۔
روسی خبررساں ایجنسی نے روسی سیکیورٹی کونسل کی نائب سربراہ کا بیان نقل کرتے ہوئے کہا ہے کہ ایران کو میزائلوں کی فراہمی کا فیصلہ کیاجاچکا ہے لیکن عملدرآمد کے لئے کچھ وقت درکارہے۔
ان کا کہنا تھا کہ جیسا کہ وہ سمجھتے ہیں ابھی میزائلوں کو ایران کی تحویل میں دینے کا وقت نہیں آیا۔
- Advertisement -
روس اور ایران کے درمیان میزائلوں کی فراہمی کے اس معاملےپر 2010 میں جمود طاری ہوگیا تھا اور اب روس کے اس فیصلے کو ایران کے نائب وزیرِخارجہ حسین امیر عبدالحیان نے ’’فتح‘‘ قرار دیا ہے۔
