یوکرین کی فوجی مدد کرنے پر روس نے برطانوی اہداف کو نشانہ بنانے کی دھمکی دیتے ہوئے کہا ہے کہ برٹش فوجی تنصیبات ہمارا جائز ہدف ہونگی۔
روسی وزارت خارجہ کی جانب سے پیر کو لندن کے سفیر پر واضح کیا گیا ہے کہ اگر کیف نے روسی سرزمین پر حملہ کرنے کے لیے برطانیہ کے فراہم کردہ میزائلوں کا استعمال کیا تو ماسکو یوکرین یا کسی اور جگہ پر برطانوی اہداف کے خلاف جوابی کارروائی کرے گا۔
برطانوی وزیر خارجہ ڈیوڈ کیمرون نے اس سے قبل اپنے بیان میں کہا تھا کہ یوکرین کو روس کے اندر تک حملہ کرنے کے لیے برطانیہ کی طرف سے بھیجے گئے طویل فاصلے تک مار کرنے والے میزائل استعمال کرنے کا حق ہے۔
اس بیان کے بعد روس نے بھی اپنا ردعمل دیتے ہوئے برطانوی سیفر سفیر نائجل کیسی کو وزارت خارجہ میں طلب کرتے ہوئے واضح پیغام دے دیا ہے۔
میٹنگ کے بعد روسی وزارت خارجہ نے جاری بیان میں کہا کہ برطانوی سفیر کو خبردار کیا گیا ہے کہ روسی سرزمین پر برطانوی ہتھیاروں کے استعمال کے نتائج بالکل بھی اچھے نہیں ہونگے۔
اگر حملوں میں برطانوی ہتھیار استعمال کیے گئے تو یوکرین کے حملوں کا جواب یوکرین کی سرزمین اور اس سے باہر کسی بھی برطانوی فوجی تنصیبات کو ہدف بناکر دیا جاسکتا ہے۔
