لندن : ایم کیو ایم کے قائد الطاف حسین نے کہا ہے کہ غیرملکی ٹیمیں بلوا کر سانحہ بلدیہ ٹاؤن کی تحقیقات کرالی جائیں، جےآئی ٹی کی ایسی رپورٹس بنتی رہیں توملک دولخت ہوجائےگا۔
حیدرآباد میں یونیورسٹی کا سنگ بنیاد رکھنے کے موقع پر جشن کے شرکاء سے خطاب میں ایم کیو ایم کے قائد نے شہریوں کو مبارکباد پیش کی۔
الطاف حسین نے سانحہ بلدیہ ٹاون میں ایم کیو ایم کے ملوث ہونے سے متعلق رپورٹ کو تنقید کا نشانہ بنایا۔ الطاف حسین نے سانحہ بلدیہ کی تحقیقات غیرملکی ٹیم سے کرانے کا مطالبہ کیا ۔
ایم کیو ایم کے قائد کا کہنا تھا کہ کسی کے انفرادی فعل کو پارٹی سے منسوب کرنا غیراخلاقی ہے۔
