لاہور:سانحہ ماڈل ٹاؤن کی پہلی ایف آئی آر ختم کرنے کیلئے دائر درخواست پرلاہورہائیکورٹ نے ایڈووکیٹ جنرل پنجاب کو معاونت کیلئے طلب کرلیا۔
لاہور ہائیکورٹ کے دو رکنی بنچ نے کیس کی سماعت کی۔ سانحہ ماڈل ٹاؤن کے ملزم سابق ایس ایچ او سبزہ زار عامر سلیم کے وکلاء نے دلائل دیئے کہ سانحہ ماڈل ٹاؤن کی دوسری ایف آئی آر درج ہو چکی ہے، جس میں وزیراعظم اور وزیراعلٰی سمیت 21 اہم شخصیات کو ملزم نامزد کیا گیا ہے۔
دوسری ایف آئی آر درج ہونے کے بعد پہلی ایف آئی آر کی کوئی قانونی حیثیت نہیں رہی، اس لئے اس کے تحت ہونے والی تفتیش کو کالعدم قرار دیا جائے۔ عدالت نے نوٹس جاری کرتے ہوئے ایڈووکیٹ جنرل پنجاب کو معاونت کیلئے 21 جنوری کو طلب کر لیا۔
- Advertisement -
