لاہور: سابق وزیرریلوےخواجہ سعد رفیق نے الیکشن ٹریبونل کافیصلہ سپریم کورٹ میں چیلنج کردیا، الیکشن کمیشن نے سابق وزیر کی اسمبلی رکنیت معطل کرنے کا نوٹیفیکیشن جاری کردیا۔
عدالت نہیں جانا، میدان میں لڑوں گا، وزارت کے بعد رکنیت اور رکنیت کے بعد سعد رفیق اپنے قول سے بھی پھر گئے، این اے ایک سو پچیس پرالیکشن ٹریبونل کا فیصلہ سپریم کورٹ میں چیلنج کردیا۔
لیگی رہنما نے مؤقف اختیار کیا کہ چند پولنگ اسٹیشنز پر بدنظمی کی بنیاد پر الیکشن کالعدم قرار دینا صحیح نہیں، ری پولنگ کا فیصلہ قانون کے مطابق نہیں ہے۔
دوسری جانب الیکشن کمیشن نے ٹریبونل کے فیصلے پر خواجہ سعد رفیق کی قومی اسمبلی سےرکنیت ختم کرنےکا نوٹیفیکشن جاری کردیا۔
خیال رہے کہ الیکشن ٹریبونل نے لاہور کے حلقے این اے 125 سے منتخب ہونے والے مسلم لیگ (ن) کے رہنما خواجہ سعد رفیق کو ڈی سیٹ کرنے کافیصلہ سناتے ہوئے دوبارہ انتخابات کرانے کا حکم جاری کیا تھا۔
