کراچی : سینئر وزیر تعلیم سندھ نثار کھوڑونے کہا ہے کہ سندھ کے ہر ضلع میں ایک یونیورسٹی اور ایک مزید دو نئے کالجز بنانے کی ضرورت ہے۔
اعلیٰ تعلیم کیلئے ہائیر ایجوکیشن کمیشن کا کردار بھی انتہائی اہم ہے۔ ان خیالات کا اظہار نثار کھوڑو نے این ای ڈی یونیورسٹی کے کانوکیشن سے خطاب کرتے ہوئے کیا۔
نثار کھوڑو کاکہنا تھا کہ سندھ کو زیور تعلیم سے آراستہ کریں گے اور ہماری یہ کوشش ہوگی کہ ہر ضلع میں یونیورسٹی کا پروجیکٹ مکمل ہونے کے بعد آئندہ چند سالوں میں مزید دو ، دو یونیورسٹیز کا پروجیکٹ بھی پیش کریں گے ۔
کانووکیشن میں مجموعی طور پر1213گریجویٹ میں اسناد دی دی گئیں۔ماسٹر آف انجینئرنگ میں80طلبہ و طالبات اورپی ایچ ڈی کرنے والے 2طالب علموں کو بھی اسناد دی گئیں جبکہ اعلیٰ کارکردگی کا مظاہرہ کرنے والے مختلف شعبوں کے طلبہ و طالبات کو گولڈ میڈل دیئے گئے۔
سینئر صوبائی وزیر تعلیم سندھ اور این ای ڈی کے وائس چانسلر نے طلبہ و طالبات میں اسناد،گولڈ میڈل تقسیم کئے۔ اس موقع پر شدید گرمی کے باعث طلبہ و طالبات کو مشکلات کا سامنا کرنا پڑا۔
