کراچی: اوگرا نے سوئی نادرن اور سوئی سدرن کیلئے گیس مہنگی کرنے کی منظوری دیدی ہے۔

دائر کی گئی درخواستوں کا فیصلہ دیتے ہوئے سوئی نادرن گیسں نے مالی سال 13-2012 کے لیے فیول ایڈجسمنٹ چارجز کی مد میں 12روپے ایم ایم بی ٹی یو اضافہ کی منظوری دی ہے جبکہ یہ اضافہ سندھ اور خیبرپختون خوا کوملنے والے 6 ارب روپے سے پورا کیا جائے گا۔

اس کے علاوہ مالی سال 14-2013 کیلئے 37 روپے فی ایم ایم بی ٹی اضافے کی منظوری دی گئی ہے، 14-2013 کی مد میں 18ارب روپے صارفین سے آئندہ سال وصول کیے جائیں گے۔ 13-2012 کیلئے سوئی سدرن گیس میں 38 روپے اضافےکی منظوری دی گئی ہے۔

یہ اضافہ سندھ اورکے پی کے کوملنے والے 13ارب روپے پورا کیا جائے گا۔ 14-2013 کیلئے سوئی سدرن گیس 52 روپے مہنگی کرنے کی منظوری دی گئی ہے۔