سوات کے آخری ولی عہد اور سابق گورنر میاں گل اورنگزیب انتقال کر گئے۔میاں گل کو ان کے آبا ئی شہر سیدو شریف میں سپردخاک کردیا گیا۔ سابق وزیر خارجہ گوہر ایوب اور مشیر وزیراعظم امیر مقام نے اظہار افسوس کیا ۔ریاست سوات کے آخری ولی عہد اور سابق گورنر میاں گل اورنگزیب انتقال کر گئے ،چھیاسی سالہ میاں گل اورنگزیب کی نماز جنازہ سیدو شریف میں ادا کی گئی ۔
سوات کے آخری ولی عہد کی تدفین شاہی قبرستان میں کی گئی ۔ میاں گل اٹھائیس مئی انیس سو اٹھائیس میں سیدو شریف میں پیدا ہوئےانیس سو اڑتالیس میں میاں گل نے پاک آرمی جوائن کی اور انیس سو پچپن میں فوج سے قبل از وقت ریٹا ئر منٹ لی اس دوران وہ اس دور کے آرمی چیف ایوب خان کے اے ڈی سی رہے وہ سابق صدر ایوب خان کے داماد بھی تھے۔
مغربی پاکستان کی اسمبلی میں ریاست سوات کی نمائندگی کی اور مختلف ادوار میں سوات میں ممبر قومی اسمبلی بھی منتخب ہوئے ، گورنر بلوچستان کے عہدے پر بھی فائز رہے ۔سیاسی جماعتوں کے رہنمائوں نے ان کے انتقال پر اظہار افسوس کیا۔
