کراچی: کورکمانڈر کراچی لیفٹیننٹ جنرل نوید مختار کاکہنا ہے اے پی ایس کے بچوں نے اپنے خون سے ہمارے لیے منزل کی راہیں متعین کیں، سولہہ دسمبر ہماری تاریخ کا اہم ترین دن ہے۔
ان خیالات کا اظہار انہوں نے ملیر کینٹ میں اے پی ایس کے شہداء کو خراج عقیدت پیش کرنے کیلئے منعقدہ تقریب سے خطاب کرتے ہوئے کیا، کورکمانڈر کراچی کاکہنا تھا جس مقصد کیلئے ہمارے معصوم بچوں نے اپنے پاکیزہ خون کی قربانی دی اسے حاصل کرکے ہی دم لیں گے یہ ہمارا عزم ہے ۔
انہوں نے کہا کہ طلباء کا بہترین عمل اچھی تعلیم حاصل کرنا ہے ،ہمیشہ سچ بولیں ، محنت اور صرف محنت کو اپنا معمول بنائیں۔تقریب میں اے پی ایس شہداء کو خراج عقیدت پیش کیا گیا۔
تقریب میں آرمی پبلک اسکول کے بچوں نے ٹیبلو کے ذریعے شہداء کو خراج عقیدت پیش کیا۔
