کراچی: آٹھ ماہ کی کم ترین سطح پر آنے کےبعد ایک بار پھر عالمی منڈی میں سونے کی قیمت میں استحکام دیکھا جارہا ہے ۔
گزشتہ ہفتے کے اختتام پر مقامی منڈی میں سونےکی فی تولہ قیمت سو روپے کمی کے بعد سینتالیس ہزار نو سو روپے جبکہ دس گرام سونے کی قیمت پچاسی روپے کمی کے بعد اکتالیس ہزارستاون روپے ہو گئی۔
دوسری جانب عالمی منڈیوں میں نئے ہفتے کے اغاز پر سونے کی قیمت میں قدرے بہتری ریکارڈ کی جارہی ہے نیو یارک مرکنٹائل ایکس چینج میں سونے کی فی اونس قیمت تین ڈالر اضافے کے بعد بارہ سو تینتیس ڈالر فی اونس ہوگئی ہے۔
مارکیٹ تجزیہ کاروں کے مطابق عالمی منڈی میں سونے کی قیم میں اضافہ مقامی منڈی میں بھی قیمتوں میں اضافے کی وجہ بنے گا۔
