اسلام آباد: سینیٹ کی باون نشستوں پر انتخابات کے بعد ایوانِ بالا میں پارٹی پوزیشن واضح ہوگئی ہے۔
اپوزیشن جماعت پیپلز پارٹی انیس پرانے اور آٹھ نئے سینیٹرز کی مدد سے ستائیس نشستوں کے ساتھ پہلے نمبر پر موجود ہے، ن لیگ آٹھ سٹنگ ممبرز اور موجودہ اٹھارہ نشستین حاصل کر کے چھبیس ارکان کے ساتھ دوسرے نمبر پر آگئی ہے۔
سینیٹ کی تیسری بڑی جماعت متحدہ قومی موومنٹ ہے جس نے چار نشستیں جیت کر اپنے ممبران کی تعداد آٹھ کر لی، چوتھے نمبر پر اے این پی خواتین کی نشست جیت کر سینیٹرز کی تعداد سات کرنے میں کامیاب رہی۔
سینیٹ میں پہلی مرتبہ قدم رکھنے والی پی ٹی آئی چھ نشستوں کے ساتھ ایوان بالا میں پانچویں نمبر پر دکھائی دیتی ہے، جے یو آئی ف دو نشستیں جیت کر سینیٹ میں پانچ سیٹوں کے ساتھ چھٹے نمبر پر ہے۔
Comments
- Advertisement -
