شارجہ: نیوزی لینڈ اور پاکستان اے کے درمیان تین روزہ پریکٹس میچ جاری ہے، پاکستان اے کی ٹیم پہلی اننگز میں دو سو پندرہ رنزبناکر آؤٹ ہوگئی۔
شارجہ میں نیوزی لینڈ اور پاکستان اے کی ٹیموں کے درمیان دوسرے دن کا کھیل جاری ہے، پاکستان اے نے ابتدائی روز ٹاس جیت کر پہلے بیٹنگ کا فیصلہ کیا، شان مسعود اور عادل امین کے علاوہ پاکستان اے کا کوئی بھی بیٹسمین وکٹ پر جم کر نہ کھیل سکا، شان مسعود سرسٹھ اور عادل امین تینتالیس رنز بناکر آؤٹ ہوئے۔
دوسرے روز پاکستان کی ٹیم اسکور میں کوئی اضافہ کئے بغیر دو سو پندرہ رنزبنا کر آؤٹ ہوگئی، نیوزی لینڈ کی پہلی اننگز میں بیٹنگ جاری ہے۔
