سیئول: جنوبی کوریا کی انٹیلی جنس نے دعویٰ کیا ہے کہ شمالی کوریا کے رہنماء کم جونگ نے اپنے وزیردفاع کو سزا دینے کے لئے ایئر کرافٹ گن سے نشانہ بنایا ہے۔
ذرائع کا کہنا ہے کہ شمالی کوریا کی اعلیٰ حکومتی قیادت میں اقتدار کی کشمکش جاری ہے اور اسی کشمکش پر قابو پانے کے لئے کم جونگ نے روس کا دورہ بھی ملتوی کیا ہے۔
جنوبی کوریا کی قومی نیشنل انٹیلی جنس ایجنسی نے دعویٰ کیا ہے کم جونگ نے 15 سینئرحکومتی افسران کو رواں سال میں سزائے موت دینے کا حکم دیا ہے جس میں دو نائب وزیر بھی شامل ہیں۔
جنوبی کوریا کی پارلیمنٹری کمیٹی میں بریفنگ دیتے ہوئے این آئی ایس کےڈپٹی ڈائریکٹر ہان کی بیوم کا کہنا تھا کہ شمالی کوریا کے وزیرِدفاع یون یونگ چول کوسزا سینکڑوں افراد کی موجودگی میں دی گئی۔
انہوں نے یہ بھی بتایا کہ شمالی کوریا کہ وزیرِدفاع کو کھلے میدان میں 14.5 ایم ایم کی اینٹی ایئرکرافٹ گن سے نشانہ بنا کر ان کے جسم کے پرخچے اڑادئیے۔
اے ایف پی
