شنگھائی : عالمی نمبر ایک سربیا کے نوواک جوکووچ اور سوئٹزرلینڈ کے راجر فیڈرر نے شنگھائی ماسٹرز ٹینس ٹورنامنٹ کے کوارٹرفائنل کے لئے کوالیفائی کرلیا۔
شنگھائی میں جاری ٹورنامنٹ کے تیسرے راؤنڈ کے میچ میں عالمی نمبر ایک سربیا کے نوواک جوکووچ نے قازقستان کے میخائل کوکشکن کو تین سیٹ کے مقابلے کے بعد زیرکیا۔
ابتدائی دو سیٹس تک مقابلہ چھ تین اور چارچھ سے برابرتھا۔ فیصلہ کن سیٹ میں سرب کھلاڑی نے تجربہ کا فائدہ اٹھایا اورحریف کھلاڑی کو چھ چار سے زیر کرتے ہوئے آخری آٹھ کھلاڑیوں میں جگہ بنالی۔
ایک اور میچ میں تھرڈ سیڈ سوئٹزرلینڈکے راجر فیڈرر نے اسپین کے رابرٹو بوٹیسٹا کو اسٹریٹ سیٹس میں آؤٹ کلاس کردیا۔ سوئس کھلاڑی کی فتح کا اسکورچھ چاراورچھ دو رہا۔
