مچھ: صولت مرزا کے ویڈیو بیان میں انکشافات سے متعلق تفتیش کیلئے قائم کی گئی جی آئی ٹی بلوچستان کے مچھ جیل کا دورہ کرے گی اس حوالے سے نوٹیفکیشن جیل حکام کو موصول ہوگئی ہے۔
مچھ جیل حکام کے مطابق سات رکنی جوائنٹ انوسٹی گیشن ٹیم تہرے قتل میں سزائے موت کے مجرم صولت مرزا سے اس کے ویڈیو بیان میں کئے گئے انکشافات کے حوالے سے پوچھ گچھ کرے گی، نوٹیفکیشن میں دورے کے دن اور وقت کا نہیں بتایا گیا۔
محکمہ داخلہ بلوچستان کی جانب سے جیل حکام کو جے آئی ٹی سے مکمل تعاون کی ہدایت کی گئی ہے۔
یاد رہے سزائے موت کے منتظر قیدی صولت مرزا سے تفتیش کرنے والی ٹیم کے سربراہی بیس گریڈ کے آفیسر ڈی آئی جی ڈاکٹر امیر شیخ کررہے ہیں جبکہ آئی بی، ایف آئی اے، رینجرز، ایم آئی، آئی ایس آئی اور سی آئی ڈی کا ایک ایک رکن جے آئی ٹی میں شامل ہے۔
Comments
- Advertisement -
