اسلام آباد: پی ٹی آئی کے سربراہ عمران خان نے سماجی رابطے کی ویب سائٹ پر ٹوئٹ میں کہا کہ این اے دو سو چھیالس کے ضمنی الیکشن میں کچھ غلط ہوا تو لندن میں قانونی کارروائی کریں گے۔
عمران خان کا کہنا تھا کہ لندن مین پی ٹی آئی نے وکلا کی ٹیم تیار کر لی ہے، اگر ضمنی انتخابات میں کچھ غلط ہوا تو کاروائی کرینگے۔
پی ٹی آئی کے چئیرمین عمران خان نے اپنے ٹوئٹ میں کہا کہ کراچی کے عوام الطاف حسین کے حربوں کے عادی ہیں، پہلے دہشتگردی کرتے ہیں پھرخود کو ہی مظلوم قرار دیتے ہیں۔
ان کا مزید کہنا تھا کہ مجھے مقتول رہنماء کے خاندان نے بتایا جنازے میں قاتل شریک تھے۔
کراچی میں این اے دوسوچھیالیس کے ضمنی انتخاب کی مہم کے دوران کشیدگی پر پاکستان تحریکِ انصاف کے سربراہ عمران خان نے کہا ہے کہ ایم کیو ایم کی جمہوریت بےنقاب ہوگئی ہے۔
تحریکِ انصاف کے سربراہ نے رات گئے اپنے ٹویٹ میں کہا کہ ایم کیوایم کی جمہوریت بےنقاب ہو گئی ہے اور ان کے فاشسٹ ہتھکنڈوں کو برطانوی حکومت تک لے کر جائیں گے۔
اس سے قبل وہ اپنے ایک ٹویٹ میں کہہ چکے ہیں کہ ایم کیو ایم کو اپنے ووٹرز کھوجانے کا خوف شروع ہوچکا ہے، این اے دو سو چھیالیس نبیل گبول کے استعفا دینے کے بعد خالی ہوئی جس پر ضمنی انتخاب تئیس اپریل کو ہوگا۔
